Павлодарда өткен «Әйел мен ақша» семинарына 80-нен астам қатысушы келді
Павлодарда Solva компаниясы өткізген қаржылық сауаттылық бойынша тренингке 80-нен астам әйел, тәжірибелі және ісін жаңа бастаған кәсіпкерлер қатысты.
15-сәуірде Solva серіктестермен, №1 Қаржылық сауаттылық мектебімен және Қазақстан Республикасының Қаржы нарығын реттеу және дамыту агенттігімен (ҚНРДА) бірлесіп тренингке қатысушыларға қаржылық жоспарлау, несиелерді сауатты пайдалану, қаржылық тәуекелдерді болдырмау туралы айтып берді.
Семинар қонақтары, олардың арасында ірі жергілікті әйелдер қауымдастығының қатысушылары өз әсерлерімен бөлісті:
«Өте қызықты тренинг, қажетті және пайдалы ақпарат алдық, барлығы мәнді. Жоғары деңгейде ұйымдастырылды»
«Бухгалтерлік есеп, бюджетті жоспарлау және несиелерді өтеу туралы білу пайдалы болды»
Талдықорғанда «Әйел және ақша» атты 2023 жылдың алғашқы семинары өтті
25 ақпанда Талдықорғанда «Әйел және ақша» циклінен 2023 жылғы бірінші қаржылық сауаттылық тренингі өтті. Білім беру семинарларының сериясын Solva компаниясы «Әйелдер ісі» атты жеке платформасының базасында Қазақстан Республикасының Қаржы нарығын реттеу және дамыту агенттігімен (ҚНРДА) және «№1 Қаржылық сауаттылық мектебімен» бірлесіп өткізуде.
Тренингке 60-тан астам әйел қатысты, олардың арасында қалаға жақын орналасқан ауылдардан келгендер бар. Семинар барысында қатысушылар өз бюджеттерін тиімді жоспарлау және жүргізу, бизнесті және жеке мақсаттарды дамыту үшін несие қаражатын дұрыс пайдалану, сондай-ақ өздерін ықтимал қаржылық тәуекелдерден қорғау жолдарын үйренді. Сондай-ақ, семинар қонақтары өздері, кәсіптері туралы айтып, бір-бірімен танысты және іскерлік байланыстар орнатуға мүмкіндік алды. Қарашоқыдан келген кондитер Индира Шабденова бұл шараның өте пайдалы болғанын айтады.
«Мен өз бюджетімді ешқашан жоспарлаған емеспін. Тапқан ақшаның барлығын өндіріске салып жүрдім. Нәтижесінде жыл сайын табысым өспеді. Семинарда мен мұның себебін түсіндім – тек шығыстарды ғана емес, барлық ақшаның қозғалысын жоспарлауым керек».
Бұл 2023 жылға жоспарланған 11 семинардың бірінші тренингі. Білім шаралары бұрын өтпеген қалалар мен елді мекендерде ұйымдастырылады. Бұған дейін мұндай семинарлар Астана, Қарағанды, Түркістан, Шымкент және Шелекте өткен болатын.
«Әйел және ақша» білім беру бағдарламасының мақсаты – Қазақстандағы кәсіпкер әйелдердің қаржылық сауаттылық деңгейін арттыру және өз ісін ашу және дамыту мүмкіндіктерін кеңейту.
Шымкентте «Әйел және ақша» циклінен қорытынды білім беру семинары өтті
9 желтоқсанда Шымкентте «Әйелдер ісі» платформасының қаржылық сауаттылық бойынша 2022 жылға жоспарланған тренингтер циклінің қорытынды семинары өтті.
Қатысушылардың көбісі іс-шара барысында бюджетті жоспарлау және жүргізу, бизнесін дамытудың қаржылық құралдары туралы мол практикалық білім алып, пайдалы таныстықтар орнатқанын атап өтті.
Шымкенттегі семинар – Solva компаниясы «№1 Қаржылық сауаттылық мектебімен» және Қазақстан Республикасының Қаржы нарығын реттеу және дамыту агенттігімен (ҚНРДА) серіктестіп өткізіп жатқан «Әйел және ақша» цикліндегі бесінші тренинг. Бұған дейін семинарлар Түркістан, Қарағанды, Астана қалаларында, сондай-ақ Шелек ауылында өткен болатын. Шараларға 250-ден астам кәсіпкер әйелдер қатысты.
«Әйел және ақша» семинарлары – Solva компаниясы кәсіпкер әйелдер үшін құрған «Әйелдер ісі» мультифункционалды платформасының білім беру бастамаларының бірі. Платформаның мақсаты әйелдер кәсіпкерлігін дамыту үшін қолайлы орта құру және Қазақстанда қаржылық сауаттылық деңгейін арттыру болып табылады.
Астанада «Әйел және ақша» атты семинар өтті
25 қарашада Қазақстан Республикасының Қаржы нарығын реттеу және дамыту агенттігімен (ҚНРДА) және «№1 Қаржылық сауаттылық мектебімен» серіктестікте өткен «Әйел және ақша» атты Solva-ның семинарына Астанадан және көрші қалалардан 50-ден астам әйел қатысты.
Тренингке қатысушылар өз ісін бастау және дамыту үшін қажетті практикалық қаржылық білімді оңай және қолжетімді түрде алу, сондай-ақ Қазақстанның кәсіпкер-әйелдер қауымдастығының бір бөлігі болу мүмкіндігін жоғары бағалады.
Тренингке қатысушылардың бірі іс-шара туралы былай деп пікір қалдырды: «Қаржылық сауаттылық бойынша семинар – бұл кәсіпкер-әйелдер бизнесті дамыту үшін білім алатын кеңістік қана емес. Мұнда сіз пайдалы байланыстар орнатып, жаңа достар және пікірлестерден қолдау таба аласыз».
«Әйел және ақша» білім беру семинарларының циклі – Solva-ның «Әйелдер ісі» платформасы бастамаларының бірі, оның мақсаты Қазақстанда әйелдер кәсіпкерлігін дамыту үшін қолайлы ортаны құру және қолдау болып табылады. Келесі семинар 9 желтоқсанда Шымкентте өтеді.